Annar leikmaður Hauka gengur til liðs við Fjölni

Handknattleikskonan Rósa Kristín Kemp hefur ákveðið að ganga til liðs við Fjölni sem leikur í Grill 66-deildinni. Rósa Kristín kemur til félagsins frá Haukum. Hún fylgir þar með í kjölfar Berglindar Benediktsdóttur sem kvaddi Hafnarfjarðarliðið á dögunum og skrifaði undir samning við Fjölni.

Rósa Kristín lék samtals 28 leiki með Haukum í Olísdeildinni og Haukum 2 í Grill 66-deildinni á síðustu leiktíð og skoraði 54 mörk.

Hún verður fjórði nýi leikmaðurinn í herbúðum kvennaliðs Fjölnis á næstu leiktíð. Auk Rósu Kristínar og Berglindar sem áður er getið hafa Stefanía Ósk Engilbertsdóttir og Signý Pála Pálsdóttir bæst í leikmannahópinn.

Grill 66-deild kvenna – fréttasíða.

Konur – helstu félagaskipti 2025