Anton og Jónas standa í ströngu á EM

Handknattleiksdómararnir Anton Gylfi Pálsson og Jónas Elísson dæma einn af þremur leikjum dagsins á morgun á Evrópumóti karla í handknattleik í Jyske Bank Boxen. Þeir félagar dæma viðureign Svíþjóðar og Portúgal um 5. sæti mótsins. Leikurinn hefst klukkan 14.

Þetta verður fjórði og síðasti leikur þeirra á Evrópumótinu að þessu sinni en raðað hefur verið niður dómurum á fimm síðustu leikina.

Anton og Jónas hafa áður dæmt leiki Spánar og Serbíu á upphafsdegi mótsins, þá viðureign Tékka og Úkraínumanna og síðan leik Þýskalands og Noregs í milliriðlakeppninni.

Fjórða Evrópumótið

Um er að ræða fjórða Evrópumótið í karlaflokki sem þeir dæma saman en sjötta Evrópumót Antons Gylfa þegar talin eru tvö mót hans með Hlyni Leifssyni, EM karla 2012 og EM kvenna 2008.