Arnór og liðsmenn leika um bronsverðlaun

Arnór Atlason og liðsmenn hans í TTH Holstebro leika um bronsverðlaunin í dönsku úrvalsdeildinni. Þeir töpuðu aftur í kvöld fyrir Aalborg Håndbold, 37:31, að þessu sinni á heimavelli í síðari undanúrslitaleik liðanna.

Ekki liggur fyrir hvort TTH Holstebro leikur við GOG eða Skjern um þriðja sætið.

GOG og Skjern verða að mætast í þriðja sinn á laugardaginn á heimavelli GOG. Skjern vann á heimavelli í kvöld, 38:27, og svaraði fyrir sex marka tap í fyrsta leiknum, 25:19.