Aron Pálmarsson fyrrverandi landsliðsmaður í handknattleik er hrifinn af Hauki Þrastarsyni, leikstjórnanda hjá Rhein-Neckar Löwen í þýsku 1. deildinni og íslenska landsliðinu.
Haukur, sem er 24 ára, hefur spilað frábærlega á sínu fyrsta tímabili í þýsku deildinni og vill Aron sjá hann springa út á Evrópumótinu í Danmörku, Noregi og Svíþjóð, sem hefst í vikunni.
Núna er tíminn
„Ég þreytist ekki á að tala um hvað mér finnst Haukur góður handboltamaður. Ég væri bara til í að sjá hann vera besta leikmann liðsins á þessu móti. Hann er núna á frábærum stað með þjálfara sem hefur augljóslega trú á honum þarna í Þýskalandi.
Það er sjálfstraust í honum. Núna finnst mér tíminn. Það sem mér finnst hann geta er nánast allt. Hann er með góða yfirsýn, hann er með gott skot, hann getur spilað með línu, hann á að vera fínn „fintari.“ Hann á alltaf að geta komið sér í góðar stöður,“ sagði Aron um Hauk í Biðstofunni á RÚV.
