„Þú verður að spyrja stjórnendur félagsins af hverju ég verð ekki áfram.“ Eitthvað í þessa veruna svarar Aron Pálmarsson nýkrýndur Evrópumeistari í þriðja sinn spurningu spænska fjölmiðilsins RAC1 af hverju hann sé á förum frá Evrópumeisturum Barcelona eftir fjögur sigursæl ár.
Spurður hvort hann hafi viljað vera áfram hjá Barcelona segir Aron svo hafa verið fyrir ári síðan. Annað hafi verið upp á teningnum fyrir þremur mánuðum. Annars vísar Aron á stjórnendur Barcelona um ástæður þess að hann yfirgefur Barcelona í sumar og flytur til Álaborgar í Danmörku.
Þessi svör koma heim og saman við fréttir í fjölmiðlum í Katalóníu fyrir nokkrum vikum þess efnis að stjórnendur Barcelona með Joan Laporta forseta félagsins fremstan í flokki hafi dregið lappir þegar kom að því að semja á nýjan leik við Aron. Það hafi verið ein ástæða þess að þjálfari sigursæli, Xavier Pascual, óskaði eftir að losna undan samningi í sumar.
- Dagur stýrði Króötum til öruggs sigurs á Slóvenum – öll úrslit vináttuleikja
- Grill 66 kvenna: 10 marka sigur Víkinga – Fjölnir önglaði í tvö stig
- Sandra á sigurbraut í Oldenburg
- Hefur engan áhuga á danska kvennalandsliðinu
- Hafsteinn Óli er á heimleið – verður í startholunum
