Áróra Eir er komin aftur í Aftureldingu

Áróra Eir Pálsdóttir hefur ákveðið að ganga til liðs við Aftureldingu frá Víkingi. Frá þessu segir Afturelding á samfélagsmiðlum sínum en Áróra Eir lék með Aftureldingu í yngri flokkum áður en hún reyndi fyrir sér annarstaðar.

Áróra er línumaður og kemur til liðsins frá Víking, þar sem hún hefur spilað undanfarin tvö ár og verið í talsverðu hlutverki í liðinu. Hún var meðal annars valin besti varnarmaður liðsins á síðasta tímabili. Áróra hefur einnig spilað í Slóvakíu og fyrir Hauka.

„Áróra er uppalin í Aftureldingu og því er það mikið gleðiefni að fá hana aftur heim í Mosó,“ segir m.a. í tilkynningu Aftureldingar.

Susan heldur tryggð við Aftureldingu