- Auglýsing -
Andrea Jacobsen og liðsfélagar í Blomberg-Lippe töpuðu í kvöld á heimavelli fyrir meisturum HB Ludwigsburg, 27:24, í næst síðustu umferð þýsku 1. deildarinnar í handknattleik. Sandra Erlingsdóttir og liðsfélagar í TuS Metzingen biðu einnig lægri hlut í viðureign sinni við Sport-Union í Neckarsulm, 30:25.
Andrea skoraði þrjú mörk í 10 skotum og átti eina stoðsendingu í tapi Blomberg-Lippe sem féll niður í fjórða sæti við tapið vegna þess að á sama tíma vann Thüringen HC lið BSV Sachsen Zwickau, 38:24.
Díana Dögg Magnúsdóttir lék ekki með Blomberg-Lippe.
Sandra Erlingsdóttir skoraði ekki fyrir TuS Metzingen í tapinu fyrir Neckarsulm í Baden-Württemberg.
Staðan í þýsku 1. deild kvenna fyrir lokaumferðina næstu helgi:
Standings provided by Sofascore
- Auglýsing -
