Berge er farinn í ótímabundið leyfi

Christian Berge þjálfari norska úrvalsdeildarliðsins Kolstad er farinn í ótímabundið leyfi frá störfum. Berge féll í yfirlið í síðari hálfleik í síðari viðureign Kolstad og Elverum í úrslitum úrslitakeppninnar í Noregi í gærkvöld. 

Berge sagði við norska fjölmiðla í gærkvöld að grunur leiki á um að gáttatif hafi valdið yfirliðinu. Hann verður áfram til rannsóknar hjá læknum.

Berge er 51 árs gamall fyrrverandi landsliðsmaður og landsliðsþjálfari Noregs frá 2014 til 2022 þegar hann tók við þjálfun Kolstad í Þrándheimi.  Fyrir um tveimur áratugum veiktist Berge af krabbameini og var í ár frá keppni meðan hann sigraðist á veikindunum.

Kolstad í meistaradeildina – Berge veiktist