Valsmennirnir Bjarni í Selvindi og Allan Norðberg eru í færeyska landsliðshópnum sem valinn var í gær og mætir hollenska landsliðinu í tveimur leikjum í undankeppni EM karla 12. og 16. mars.
Fyrri leikrinn verður í nýrri þjóðarhöll Færeyinga, Við Tjarnir sem vígð var á laugardaginn. Verður það fyrsti landsleikurinn í keppnishöllinni. Miðar seldust upp á heimaleikinn á nokkrum mínútum eins og handbolti.is sagði frá í síðustu. Einnig hafa um 700 Færeyingar tryggt sér miða á síðari viðureignina í Hollandi sunnudaginn 16. mars.
Valdir voru 14 leikmenn í landsliðshópinn í morgun. Fleiri leikmönnum verður bætt þegar nær dregur undirbúningi.
Færeyingar hafa tvö stig eins og Litáar eftir tvær umferður í 6. riðli undankeppni EM. Hollendingar eru efstir með þrjú stig en Kósovó hefur eitt stig.
Færeyski landsliðshópurinn:
Markverðir:
Pauli Jacobsen, HØJ Elite.
Aleksandar Lacok, Lugi Handboll.
Aðrir lekmenn:
Tróndur Mikkelsen, Kristiansand Topphåndbold.
Rói Ellefsen á Skipagøtu, IF Hallby HK.
Óli Mittún, IK Sävehof.
Elias Ellefsen á Skipagøtu, THW Kiel.
Bjarni í Selvindi, Valur.
Rói Berg Hansen, Køge Håndbold.
Leivur Mortensen, FIF Håndbold.
Hákun West av Teigum, Füchse Berlin.
Allan Norðberg, Valur.
Teis Horn Rasmussen, Aarhus HC.
Pætur Mikkjalsson, Team Sydhavsøerne.
Ísak Vedelsbøl, IK Sävehof.
Allir leikmennirnir leika með félagsliðum utan Færeyja.
Íslandi mætir Grikklandi
Íslenska landsliðið leikur við Grikki ytra og heima 12. og 15. mars í undankeppni EM. Reiknað er með að landsliðshópur Íslands verði tilkynntur um næstu mánaðamót.
