Leikmenn Fram og KA buðu upp á sannkallaða markasúpu í síðasta leik sínum á árinu þegar þeir mættust í 13. umferð Olísdeildar karla í handknattleik í Úlfarsárdal í kvöld. Framarar höfðu betur. Þeir skoruðu 42 mörk en KA-menn 38. Staðan var 20:19, þegar menn gengu til búningsklefa eftir 30 mínútna leik.
Framarar fara þar með í góðum málum í jólaleyfi. Þeir hafa 17 stig að loknum 13 leikjum, eins og Afturelding sem á eina viðureign til góða. KA situr í áttunda sæti með 10 stig.
Síðasti leikur Olísdeildar karla á árinu fer fram að Varmá á morgun þegar Afturelding og Valur mætast.
Staðan í Olísdeildum og næstu leikir.
Mörk Fram: Ívar Logi Styrmisson 9/3, Rúnar Kárason 7/1, Reynir Þór Stefánsson 7, Þorsteinn Gauti Hjálmarsson 5, Eiður Rafn Valsson 4, Tryggvi Garðar Jónsson 4, Jóhann Karl Reynisson 4, Stefán Orri Arnalds 1, Dagur Fannar Möller 1.
Varin skot: Lárus Helgi Ólafsson 5, 19,2% – Arnór Máni Daðason 3, 15%.
Mörk KA: Einar Rafn Eiðsson 14/6, Skarphéðinn Ívar Einarsson 6, Ott Varik 5, Jóhann Geir Sævarsson 3, Patrekur Stefánsson 3, Jens Bragi Bergþórsson 2, Einar Birgir Stefánsson 2, Magnús Dagur Jónatansson 1, Ólafur Gústafsson 1, Hugi Elmarsson 1.
Varin skot: Bruno Bernat 12/1, 30% – Nicolai Horntvedt Kristensen 5, 26,3%.
