„Mér finnst þetta hneykslanlegt og sýnir að íþróttir kvenna eru settar skör lægra,“ sagði Randi Gustad í samtali við Dagbladet í Noregi. „Ég býst við meiru af evrópsku stórveldi eins og Þýskalandi hvað varðar samfélagslega ábyrgð sjónvarpsstöðvanna,“ sagði Gustad enn fremur en hún lét skoðun sína í ljós vegna áhugaleysis þýskra sjónvarpsstöðva fyrir að senda út frá kappleikjum heimsmeistaramóts kvenna.
Byrja í átta liða úrslitum
Stærstu sjónvarpsstöðvarnar, ARD og ZDF, ætla ekki að senda út frá leikjum keppninnar fyrr en komið verður í átta liða úrslit. Þangað til verður mögulegt að fylgjast með einhverjum leikjum inni á lokuðum stöðvum. Reyndar hefur ekki tekist vel til í öllum tilfellum, eins og handbolti.is sagði frá á dögunum, rofnaði útsending frá viðureign Þýskalands og Íslands á Eurosport í Þýskalandi eftir nærri 10 mínútna leik og hófst ekki aftur.
Um tíma í vor og allt fram á sumar leit úr fyrir að hvorki ARD og ZDF né ætluðu að sýna keppninni nokkurn áhuga.
Ómyrkur í máli
Andreas Michelmann, forseti þýska handknattleikssambandsins, hefur verið ómyrkur í máli um áhugaleysi sjónvarpsstöðva landsins á leikjunum og talað um kjaftshögg og hreinan skaldal.
Gustad formaður norska handknattleikssambandsins segir óskiljanlegt að stóru sjónvarpsstöðvarnar skuli ekki sýna HM kvenna meiri áhuga, ekki síst í ljósi þess að stöðvarnar sendu út alla leikina á EM karla 2024 sem fram fór í Þýskalandi. Gustad segir þetta vera skýrt merki um að gert sé upp á milli kynjanna og slíkt sér ólíðandi árið 2025.
HM kvenna ”25 – dagskrá, riðlakeppni, úrslit
