Síðasta umferð Grill 66-deildar karla verður leikin í dag. Eftirvænting er mikil meðal Þórsara á Akureyri fyrir leik dagsins sem fram fer í Íþróttahöllinni í bænum klukkan 16.15. Þór mætir HK2. Ef Þór nær a.m.k. öðru stigi úr leiknum þá tryggir liðið sér sæti í Olísdeild karla í fyrsta sinn í fjögur ár.
Selfoss er í efsta sæti Grill 66-deildar með 27 stig en liðið hefur lokið keppni. Þór er stigi á eftir en nær efsta sætinu með jafntefli og sigri í dag. Þar með fer Þór rakleitt upp í Olísdeild karla en Selfoss, Víkingur og Hörður taka þátt í umspili Olísdeidar ásamt Gróttu.
Leikir dagsins
Grill 66-deild karla, 16. og síðasta umferð:
Safamýri: Víkingur – HBH, kl. 16.15.
Lambhagahöllin: Fram2 – Haukar2, kl. 16.15.
Höllin Ak.: Þór – HK2, kl. 16.15.
N1-höllin: Valur2 – Hörður, kl. 16.15.
Staðan í Grill 66-deild karla.
