Einn leikur fer fram í Olísdeild kvenna í handknattleik í kvöld þegar Íslandsmeistarar Vals sækja Hauka heim á Ásvelli í upphafleik 8. umferðar deildarinnar. Flautað verður til leiks klukan 18.
Viðureigninni er flýtt vegna leikja beggja liða í Evrópukeppni félagsliða á næstu helgi. Haukar taka á móti Costa del Sol Málaga á Ásvöllum laugardaginn í 3. umferð Evrópubikarkeppni kvenna. Fyrr sama dag leikur Valur gegn Íslendingaliðinu Blomberg-Lippe í Þýskalandi í síðari umferð forkeppni Evrópudeildarinnar.
Eina liðið sem unnið hefur Val
Valur er efstur í Olísdeild kvenna með 12 stig að loknum sjö leikjum. Haukar er aftur á móti í fimmta sæti með sjö stig. Haukar eru eina liðið sem hefur unnið Val í deildinni á keppnistímabilinu, 24:21, þegar liðin mættust á heimavelli Vals laugardaginn 13. september.
Leikur kvöldsins
Olísdeild kvenna:
Ásvellir: Haukar – Valur, kl. 18.
Staðan og næstu leikir í Olísdeildum.
- Leikur kvöldsins verða sendir út á Handboltapassanum.
- Til viðbótar verður HBStatz með stöðu- og textauppfærslur frá leiknum eins og öðrum á leiktíðinni. Hægt verður að fylgjast með stöðuuppfærslum HBStatz á forsíðu handbolti.is.
