Síðasta umferð Grill 66-deildar kvenna í handknattleik fer fram í dag. KA/Þór hefur fyrir nokkru tryggt sér efsta sæti deildarinnar og sæti í Olísdeild kvenna á næstu leiktíð.
HK og Afturelding berjast um annað sæti deildarinnar og þar með um það hvort þeirra fær heimaleikjarétt í fyrstu umferð umspils Olísdeildar. Víst er að HK og Afturelding eigast við í undanúrslitum. Aðeins skilur eitt stig liðin að í öðru og þriðja sæti um þessar mundir, HK í hag.
Víkingur verður þriðja lið Grill 66-deildar til þess að taka þátt í undanúrslitum umspilsins. Víkingur mætir næst neðsta liði Olísdeildar. Ekki er hægt að slá neinu föstu um hvaða lið verður andstæðingur Víkings vegna þess að enn eru tvær umferðir óleiknar í Olísdeildinni og mjótt á munum milli þriggja liða.
Leikir dagsins
Grill 66-deild kvenna – lokaumferð:
KA-heimilið: KA/Þór – Fram2, kl. 14.
Kórinn: HK – Fjölnir, kl. 16.
Víkin: Berserkir – Víkingur, kl. 16.
Varmá: Afturelding- Haukar2, kl. 16.
- Leikirnir verða sendir út á Handboltapassanum.
Staðan í Grill 66-deildum.
