Önnur umferð átta liða úrslita Olísdeildar karla í handknattleik heldur áfram í kvöld með tveimur viðureignum. ÍBV tekur á móti Aftureldingu í Vestmannaeyjum klukkan 19.30. Á sama tíma mætast Stjarnan og Valur í Hekluhöllinni í Garðabæ.
Afturelding og Valur unnu fyrstu viðureignir liðanna á laugardaginn. ÍBV og Stjarnan þurfa að vinna leikina í kvöld til þess að knýja fram oddaleiki sem fram fara á laugardaginn.
Þar með eru leikir kvöldsins ekki upptaldir. Einnig verður leikið í umspili Olísdeildar karla. Ekki verða það síður spennandi leikir.
Hörður og Grótta eigast við á Ísafirði og hefja leik klukkan 19.30. Grótta vann fyrsta leikinn í Hertzhöllinni síðasta föstudag, 32:28.
Víkingur tekur á móti liði Selfoss í Safamýri klukkan 19.30. Víkingar eru í sömu sporum og Harðarmenn. Þeir þurfa á sigri að halda til þess að efnt verði til oddaleiks. Fyrsta leik Selfoss og Víkings í Sethöllinni á föstudaginn varð að framlengja til þess að knýja fram sigur annars liðsins enda eru jafntefli ekki tekin gild í úrslitakeppninni.
Allir leikir kvöldsins verða sendir út á Handboltapassanum.
Leikir kvöldsins
Úrslitakeppni Olísdeildar, 8-liða úrslit, 2. umferð:
ÍBV – Afturelding (0:1), kl. 19.30.
Stjarnan – Valur (0:1), kl. 19.30.
-Oddaleikir á laugardaginn.
Umspil Olísdeildar karla, undanúrslit, 2. umferð:
Ísafjörður: Hörður – Grótta (0:1), kl. 19.30.
Safamýri: Víkingur – Selfoss (0:1), kl. 19.30.
-Oddaleikir á laugardaginn.
