- Auglýsing -
Einn leikur fer fram í Olísdeild kvenna í handknattleik í kvöld. Íslands- og bikarmeistarar Vals taka á móti Selfossi í N1-höllinni á Hlíðarenda klukkan 19.30. Leikurinn er fyrr á ferðinni vegna tveggja leikja Vals við Slavía Prag í átta liða úrslitum Evrópubikarkeppni kvenna í handknattleik á laugardag og sunnudag á Hlíðarenda.
Valur er og hefur verið í efsta sæti Olísdeildar kvenna frá upphafi. Nú um stundir hefur liðið 30 stig eftir 16 leiki. Selfoss, sem veitti Fram harða mótspyrnu í síðari hálfleik á laugardaginn var, er í fjórða sæti með 13 stig.
Viðureign Vals og Selfoss verður aðgengileg til áhorfs í Handboltapassanum frá klukkan 19.30 í kvöld.
Staðan og næstu leikir í Olísdeildum.
- Auglýsing -
