Dagskráin: Stýrir sínum fyrsta leik, ÍBV í Safamýri og Valur fyrir norðan

- Auglýsing -

Heil umferð stendur fyrir dyrum í Olísdeild kvenna. ÍBV sækir efsta lið deildarinnar, Fram, heim í Safamýri. ÍBV hefur verið á mikilli siglingu upp á síðkastið og verður fróðlegt að sjá hvort Eyjaliðinu takist að standa í Framliðinu.
Stjarnan leikur sinn fyrsta leik undir stjórn Hrannars Guðmundssonar sem tók við þjálfun liðsins um miðja viku. Stjarnan sækir Hauka heim á Ásvelli.

Annar toppslagur verður í KA-heimilinu þegar Valur kemur í heimsókn til Íslands- og bikarmeistaranna. Þetta er fyrsta heimsókn Valsliðsins norður síðan liðin mættust í úrslitaeinvígi um Íslandsmeistaratitlinn á síðasta vori.
Einnig verður leikið í Grill66-deild karla. Efsta lið deildarinnar, ÍR, sækir ungmennalið Selfoss heim.

Olísdeild kvenna:
Kórinn: HK – Afturelding, kl. 13.30 – sýndur á Stöð2Sport.
Framhús: Fram – ÍBV, kl. 14 – sýndur á Framtv.
Ásvellir: Haukar – Stjarnan, kl. 16 – sýndur á Stöð2Sport.
KA-heimilið: KA/Þór – Valur, kl. 16.30 – sýndur á KAtv.

Stöðuna og næstu leiki í Olísdeild kvenna má sjá hér.