- Auglýsing -
Dagur Gautason og liðsfélagar í norska úrvalsdeildarliðinu ØIF Arendal eiga fyrir höndum erfiðan útileik gegn Bianco Monte Drama 1986 næsta laugardag eftir aðeins tveggja marka sigur á heimavelli í dag, 37:35, í 32-liða úrslitum Evrópubikarkeppninnar í handknattleik.
Síðari leikurinn fer fram í bænum Drama í norðausturhluta Grikklands, nánar tiltekið í héraðinu Makedóníu sem liggur að landamærum landsins Norður Makedóníu sem eitt sinn var hluti af Júgóslavíu.
Dagur skoraði sex mörk í leiknum í dag og var næst markahæstur. Hann var ekki eini Íslendingurinn sem var viðloðandi leikinn því Hlynur Leifsson var eftirlitsmaður EHF.
Bianco Monte Drama 1986 var marki yfir að loknum fyrri hálfleik í Sparebanken Sør Amfi, 19:18.
- Auglýsing -
