- Auglýsing -
Handknattleikskonan Díana Ágústsdóttir hefur ákveðið að snúa heim í Víking og af þessu tilefni gert tveggja ára samning við handknattleiksdeild Víkings og mun spila með liðinu á komandi tímabili.
Díana er 28 ára gamall örvhentur hornamaður sem spilaði síðast með Fjölni í Olísdeildinni en hefur áður spilað með Víking, Haukum og Fram. Þess ber þó að geta að Díana er uppalin í Víking og spilaði síðast með liðinu fyrir um 12 árum síðan í efstu deild.
„Það er mikið fagnaðarerindi fyrir okkur að fá hana heim í Víking og mun hún koma til með að styrkja hópinn í vetur með sínum gæðum, reynslu og leikgleði,“ segir í tilkynningu handknattleiksdeildar Víkings.
Víkingar eru stórhuga fyrir keppni í Grill66-deild karla og kvenna á næsta keppnistímabili og hafa safnað að sér leikmönnum síðustu vikur fyrir bæði lið sín auk þess sem samið hefur verið við leikmenn sem eru þegar í herbúðunum.
- Auglýsing -
