Anton Gylfi Pálsson og Jónas Elíasson dæma viðureign Orlen Wisla Plock og PSG í 3. umferð B-riðils Meistaradeildar Evrópu í handknattleik sem fram fer í Plock í Póllandi á fimmtudaginn. Þetta verður annar leikurinn sem Anton Gylfi og Jónas dæma í Meistaradeildinni í karlaflokki á keppnistímabilinu.
Árni Snær Magnússon og Þorvar Bjarmi Harðarson dæmdu í gærkvöld sinn fyrsta leik í Evrópukeppni í handknattleik. Þeir dæmdu viðureign gríska liðsins Diomidis Argous og Black Devils Meran frá Ítalíu í 1. umferð Evrópubikarkeppni karla á Nea Kios á Grikklandi. Liðin mættust aftur í dag á sama stað. Árni Snær og Þorvar Bjarmi mættu eins og leikmenn liðanna til leiks á ný.
Ekki er annað vitað en þeir félagar hafi komst klakklaust í gegnum báðar viðureignir. Gríska liðið Diomidis Argous vann samanlagt, 64:54, í tveimur leikjum þrátt fyrir eins marks tap í dag í síðari viðureigninni.
