Viktor Gísli Hallgrímsson og liðsfélagar í Wisla Plock unnu fyrsta úrslitaleikinn við Industria Kielce um pólska meistaratitilinn í kvöld á heimavelli 30:29. Michał Daszek skoraði sigurmarkið þegar tvær sekúndur voru eftir. Svo mikill vafi lék á að markið væri löglegt að það var ekki dæmt gott og gilt fyrr en dómararnir höfðu lagst yfir upptöku. Einn leikmaður úr hvoru liði lá inn í vítateignum þegar Daszek skoraði úr hægra horni. Upptöku af markinu er að finna neðst í greininni.
Viktor Gísli stóð í marki Wisla Plock nær allan leikinn og varði sex skot, 27%.
Næsta viðureign liðanna verður í Kielce miðvikudaginn eftir rúma viku.
Áðurnefndur Daszek var markahæstur hjá Plock með sex mörk ásamt Tomas Piroch. Hjá Kielce voru Alex Dujshebaev og Szymon Sićko atkvæðamestir með sex mörk hvor.
Another extremely intense Holy War. Another drama in the end. That this game-winning Plock goal was accepted after video replay is very surprising to me.
— Rasmus Boysen (@RasmusBoysen92) May 27, 2025
Nonetheless respect to both clubs and teams for a great match in an amazing atmosphere.
1-0 for Plock – 2nd final in Kielce… pic.twitter.com/mWbuRKFpQ7
