Pascal Hens fyrrverandi landsliðsmaður Þýskalands og núverandi álitsgjafi þýsku sjónvarpsstöðvarinnar Dyn segir að af öllum félagaskiptum sem áttu sér stað í þýsku 1. deildinni í sumar standi koma Elvars Arnar Jónssonar til Evrópumeistara SC Magdeburg frá MT Melsungen upp úr. Hann sé fullkomið púsl inn í leikmannahóp SC Magdeburg.
Elvar Örn sé frábær aðhliða leikmaður sem á eftir styrkja lið Evrópumeistarana gríðarlega. „Ég segi einfaldlega vá!“ er haft eftir Hens á handball-world.
„Elvar Örn er fullkominn alhliða leikmaður sem á eftir að styrkja jafnt varnar- sem sóknarleik Magdeburg. Þess vegna er það mín skoðun að þetta séu frábær félagaskipti,“ segir Hens.
Elvar Örn er annar tveggja nýrra leikmanna í herbúðum Magdeburg í sumar. Hinn er Sebastian Barthold sem fenginn var til félagsins eftir að ljóst varð að vinstri hornamaðurinn Matthias Musche verður frá keppni vegna meiðsla fram í febrúar.
