Egyptaland náði að kreista út sigur gegn Ungverjum eftir tvíframlengdan leik um sjöunda sætið á heimsmeistaramótinu í handknattleik karla í Tele 2-Arena í Stokkhólmi, 36:35. Staðan að loknum venjulegum leiktíma var jöfn 28:28 og 32:32 eftir fyrri framlenginguna.
Egyptar virtust ætla að vinna öruggan sigur í leiknum lengi vel. Þeir voru með sex marka forskot að loknum fyrri hálfleik, 17:11. Þá rann berserksgangur á ungversku leikmennina sem skyndlega virtust átta sig á að þeir væri að leika upp á heiðurinn á heimsmeistaramótinu. Ungverjar söxuðu smátt og smátt á forskot Egypta sem virtust ekki fá við neitt ráðið.
Staðan var jöfn á öllum tölum í báðum framlengingum allt þangað til að Mohammad Sanad skoraði markið sem reyndist vera sigurmarkið þegar skammt var eftir af síðari framlengingu. Þetta reyndist eina mark Sanad í leiknum.
Mörk Egyptalands: Ali Zein Mohamed 12, Ahmed Mohamed 5, Omar Elwakil 5, Mohamed Shebib 5, Mohesen Mahmoud 3, Yehia Elderaa 1, Mohab Abdelhak 1, Mohammad Sanad 1.
Varin skot: Karim Hendawy 13, 34% – Mohamed Aly 7, 41%.
Mörk Ungverja: Richard Bodo 7, Mate Lekai 7, Gabor Ancsin 5, Bence Banhidi 4, Zoran Ilic 3, Bendeguz Boka 3, Zoltan Szita 3, Pedro Rodriguez Alvarez 2, Patrik Ligetvari 1.
Varin skot: Marton Szekely 14, 28%.
