Haukar unnu stórsigur á Stjörnunni, 29:16, í síðasta leik þriðju umferðar Olísdeildar kvenna í handknattleik á Ásvöllum í kvöld. Staðan var 14:10 fyrir Hauka að loknum fyrri hálfleik. Hafnarfjarðarliði hefur fjögur stig en Stjarnan tvö eftir góðan sigur á ÍR á laugardaginn. Að lokinni þessari viðureign hefur verið gert hálfsmánaðar hlé á keppni í Olísdeildinni vegna þátttöku kvennalandsliðsins í alþjóðlegu móti um aðra helgi. Mótið er liður í undirbúningi landsliðsins fyrir þátttöku á Evrópumótinu síðar á árinu.
Stjarnan hélt nokkuð í við Hauka í fyrri hálfleik í viðureigninni í kvöld. Annað var upp á teningnum í síðari hálfleik. Þá má segja að um hafi verið að ræða leik kattarins á músinni. Leikmenn Hauka tóku völdin og liðsmenn Stjörnunnar komust hvorki lönd né strönd í sókninni. Þeir skoruðu aðeins tvö mörk, bæði úr vítaköstum, á fyrstu 27 mínútum síðari hálfleiks. Mestur varð munurinn 15 mörk, 27:12.
Mörk Hauka: Elín Klara Þorkelsdóttir 6, Sonja Lind Sigsteinsdóttir 5, Sara Odden 4, Ragnheiður Ragnarsdóttir 4, Inga Dís Jóhannsdóttir 2/1, Rakel Oddný Guðmundsdóttir 2, Alexandra Líf Arnarsdóttir 1, Sara Katrín Gunnarsdóttir 1, Berglind Benediktsdóttir 1, Rut Arnfjörð Jónsdóttir 1, Þóra Hrafnkelsdóttir 1.
Varin skot: Sara Sif Helgadóttir 12/1, 52,2% – Elísa Helga Sigurðardóttir 2, 28,6%.
Mörk Stjörnunnar: Embla Steindórsdóttir 5/2, Anna Lára Davíðsdóttir 5, Eva Björk Davíðsdóttir 3/2, Vigdís Arna Hjartardóttir 2, Guðmunda Auður Guðjónsdóttir 1.
Varin skot: Hrafnhildur Anna Þorleifsdóttir 10/1, 25,5%.
Tölfræðin leiksins hjá HBStatz.
Staðan og næstu leikir í Olísdeildum.
Grótta – Fram í kvöld.
Olísdeild kvenna – fréttir.
