Haukar fóru illa með Gróttu í upphafsleik í 4. umferðar Olísdeildar kvenna í handknattleik í kvöld og unnu með 19 marka mun á heimavelli, 30:11, eftir að hafa verð níu mörkum yfir í hálfleik, 16:7.
Haukar hafa þar með sex stig í þriðja sæti deildarinnar eftir fjóra leiki. Grótta situr í sjötta sæti með einn sigur og þrjú töp.
Óhætt er að segja að leikmenn Gróttu hafi lent á vegg í síðari hálfleik. Liðið skoraði aðeins eitt mark síðustu 25 mínútur síðari hálfleiks gegn firnasterku liði Hauka. Nýliðum Gróttu hefur gengið all vel í deildinni þangað til að þeim tókst ekki ap klífa þrítugan hamarinn á Ásvöllum.
Mörk Hauka: Elín Klara Þorkelsdóttir 7/1, Sara Katrín Gunnarsdóttir 5/1, Rakel Oddný Guðmundsdóttir 4, Thelma Melsted Björgvinsdóttir 3, Alexandra Líf Arnarsdóttir 3, Inga Dís Jóhannsdóttir 2, Ragnheiður Sveinsdóttir 2, Birta Lind Jóhannsdóttir 1, Sara Odden 1, Ragnheiður Ragnarsdóttir 1, Berglind Benediktsdóttir 1.
Varin skot: Sara Sif Helgadóttir 10, 50% – Elísa Helga Sigurðardóttir 2, 66,7%.
Mörk Gróttu: Daðey Ásta Hálfdánsdóttir 3/2, Katrín Anna Ásmundsdóttir 2, Katrín Helga Sigurbergsdóttir 2, Elísabet Ása Einarsdóttir 2, Ída Margrét Stefánsdóttir 2.
Varin skot: Lea Maria Joos 8, 25,8% – Anna Karólína Ingadóttir 0, Sara Xiao Reykdal 0.
Staðan og næstu leikir í Olísdeildum.
