Elín Klara Þorkelsdóttir, landsliðskona í handknattleik og leikstjórnandi IK Sävehof, er markahæsti leikmaður sænsku úrvalsdeildarinnar líkt og hún hefur verið undanfarnar vikur. Elín Klara er á sínu fyrsta tímabili í atvinnumennsku og er óhætt að segja að atvinnumannsferillinn fari vel af stað hjá henni.
Elín Klara hefur skorað 82 mörk í tólf leikjum og er markahæst ásamt þeim Melissu Petrén hjá IF Hallby og Söruh Carlström hjá IFK Kristianstad.
Á toppnum í deildinni
Auk þess að vera markahæst hefur Elín Klara einnig gefið 19 stoðsendingar og er í 30. sæti yfir stoðsendingahæstu leikmenn úrvalsdeildarinnar.
IK Sävehof er á toppnum í deildinni eftir sigur á HK Aranäs í gærkvöldi. Þar fór Elín Klara á kostum og skoraði sjö mörk ásamt því að gefa fjórar stoðsendingar.
Elín Klara innsiglaði sigurinn í Kungsbacka
