Elín Klara er markahæst – Hildur Lilja er næst á eftir

Elín Klara Þorkelsdóttir úr Haukum er lang markahæst í Olísdeild kvenna þegar hlé hefur verið gert á keppni í deildinni vegna þátttöku íslenska landsliðsins á heimsmeistaramótinu í handknattleik kvenna sem hefst 29. nóvember. Elín Klara hefur skorað 75 mörk í níu leikjum en hún tók ekki þátt í viðureign Hauka og Aftureldingar á síðast föstudag. Hún hefur þar með skorað 8,3 mörk að jafnaði í leik til þessa.

Næst á eftir Elínu Klöru er Hildur Lilja Jónsdóttir sem gekk til liðs við Aftureldingu í sumar frá KA/Þór. Hildur Lilja hefur skorað 63 mörk. Skammt á eftir henni er annað liðsmaður nýliða Olísdeildar, ÍR-ingurinn Karen Tinna Demian með 61 mark. Karen Tinna hefur eins og Elín Klara leikið níu af tíu leikjum síns liðs.

Birna hæst að meðaltali

Þegar litið er eingöngu til meðaltals þá er Birna Berg Haraldsdóttir, ÍBV, efst á blaði. Hún fór mikinn í fyrstu fimm leikjum ÍBV og skoraði 46 mörk, eða 9,3 mörk að meðaltali í leik. Birna meiddist í hné í leik við ÍR í fimmtu umferð og hefur því miður ekkert leikið síðan með ÍBV. Hún verður vonandi klár í slaginn þegar flautað verður til leiks á ný í Olísdeildinni í lok fyrstu viku nýs árs.

Hér fyrir neðan er finna lista yfir þær sem skorað hafa 30 mörk eða fleiri í fyrstu 10 umferðum Olísdeildar kvenna.

Tengt efni:

Staðan og næstu leikir í Olísdeildum.

Rúnar hefur skorað flest mörk – Guðmundur er skammt á eftir