Elín Klara og félagar í átta liða úrslit bikarsins

Elín Klara Þorkelsdóttir og liðsfélagar hennar í IK Sävehof komust örugglega í átta liða úrslit sænsku bikarkeppninnar í dag. IK Sävehof vann Eslövs IK, 37:20, í síðari viðureign liðanna í 16-liða úrslitum en leikið var í Partille. Sävehof vann einnig fyrri viðureigna með talsverðum yfirburðum, 45:22.

Elín Klara var markahæst leikmanna Sävehof með sjö mörk.
Staðan í hálfleik var 17:13, Sävehof í vil.

Í gær komst Kristianstad, með Bertu Rut Harðardóttur, einnig í átta liða úrslit, eins og sagt var frá í morgun.