Landsliðskonan Elín Rósa Magnúsdóttir lék sinn fyrsta leik með þýska liðinu Bomberg-Lippe í dag í jafnteflisleik við danska úrvalsdeildarliðið SønderjyskE í æfingaleik í Danmörku, 32:32. Elín Rósa gekk til liðs við Blomberg-Lippe í sumar frá Evrópubikarmeisturum Vals. Hún skoraði tvö mörk í fyrstu viðureigninni í dag og átti einnig nokkrar stoðsendingar.
Tvær aðrar íslenskar landsliðskonur leika með þýska liðinu Blomberg-Lippe, Andrea Jacbosen, sem skoraði fjögur mörk í gegn SønderjyskE, og Díana Dögg Magnúsdóttir. Díana Dögg skoraði ekki mark.
Blomberg-Lippe var mark undir í hálfleik gegn SønderjyskE, 13:12, og var mest þremur mörkum undir í síðari hálfleik, 24:21. Á lokasprettinum tókst leikmönnum Blomberg-Lippe að jafna metin.
Á morgun sækir Blomberg-Lippe heim silfurlið dönsku úrvalsdeildarinn og bronslið Meistaradeildar Evrópu á síðustu leiktíð, Team Esbjerg.
