- Auglýsing -
Elínborg Katla Þorbjörnsdóttir hefur gengið til liðs við handknattleikslið Fram eftir nokkurra mánaðar veru hjá grannliðinu, Aftureldingu í Mosfellsbæ.
Elínuborgu Kötlu er ætlað að styrkja varnarleik Fram-liðsins eftir að Kristrún Steinþórsdóttir fyrirliði Fram dró sig hlé á dögunum vegna þess að hún er barnshafandi. Svo skemmtilega vill til að Elínborg Katla og Kristrún eru báðar frá Selfossi.
Elínborg Katla hafði leikið með Selfossi þangað til hún ákvað að söðla um í sumar og ganga til liðs við Aftureldingu. Auk þess að vera öflug í vörn þá leikur Elínborg Katla einnig sem línumaður.
Hún lék með yngri landsliðunum og var m.a. í 20 ára landsliðinu sem hafnaði í 7. sæti á HM í Skopje í Norður Makedóníu sumarið 2024.
- Auglýsing -
