Nordhorn-Lingen, sem Elmar Erlingsson leikur með, fór með annað stigið úr heimsókn til Eintracht Hagen í þýsku 2. deildinni í handknattleik í kvöld, 28:28. Heimaliðið jafnaði metin skömmu fyrir leikslok í afar jöfnum leik í Ischelandhalle í Hagen. Staðan var jöfn í hálfleik, 16:16.
Elmar skoraði fjögur mörk fyrir Nordhorn. Eitt þeirra skoraði hann frá vítalínunni. Eyjamaðurinn gaf einnig þrjár stoðsendingar.
Hákon Daði Styrmisson er ekki byrjaður að leika á ný með Hagen eftir krossbandaslit fyrir um ári.
Önnur úrslit í deildinni í kvöld:
Coburg – Hüttenberg 39:28.
Tusem Essen – TV Großwallstadt 33:28.
GWD Minden – HSG Konstanz 35:24.
TuS Ferndorf – Dessau-Rosslauer HV 06 26:26.
TSV Bayer Dormagen – ASV Hamm-Westfalen 31:31.
VfL Lübeck-Schwartau – Eulen Ludwigshafen 21:21.
Staðan í 2. deild:
