- Auglýsing -
U18 ára landslið karla í handknattleik mætir landsliði Slóvena í krossspili um níunda til tólfta sæti sæti á Evrópumótinu í handknattleik á föstudaginn.
Slóvenar unnu stórsigur á Færeyingum, 33:23, í dag og hinum milliriðli keppni liðanna í neðri hluta mótsins. Þar með höfnuðu Slóvenar í öðru sæti riðilsins. Færeyingar voru fyrir leikinn öruggir um efsta sætið.
Svartfellingar unnu Pólverja og leika við Færeyjar á föstudaginn í hinum leik krossspilsins um níunda til tólfta sætið. Sigurliðin í föstudagsleikjunum eigast við um 9. sætið á laugardaginn og tapliðin kljást um 11. sætið sama dag.
Eins og tímasetningar leikjanna eru núna er áætlað að leikur Íslands og Slóveníu hefjist klukkan 16 að íslenskum tíma en viðureign Færeyinga og Svarfellinga klukkan 18.30.
Krossspil um 9. til 12. sæti á föstudag:
Ísland – Slóvenía kl. 16.
Færeyjar – Svartfjalland kl. 18.30.
Lokastaðan í milliriðlinum um 9. til 16. sæti:
| Ísland | 3 | 3 | 0 | 0 | 102 – 82 | 6 |
| Svartfjallaland | 3 | 2 | 0 | 1 | 90 – 79 | 4 |
| Pólland | 3 | 1 | 0 | 2 | 83 – 97 | 2 |
| Ítalía | 3 | 0 | 0 | 3 | 79 – 96 | 0 |
| Færeyjar | 3 | 2 | 0 | 1 | 81 – 83 | 4 |
| Slóvenía | 3 | 1 | 1 | 1 | 83 – 78 | 3 |
| Frakkland | 3 | 1 | 1 | 1 | 90 – 89 | 3 |
| Serbía | 3 | 1 | 0 | 2 | 89 – 93 | 2 |
Krossspil um 13. -16. sæti:
Pólland – Serbía.
Frakkland – Ítalía.
- Auglýsing -
