Sandra Erlingsdóttir kveður Tus Metzingen í Þýskalandi í sumar. Ljósmynd/Hafliði Breiðfjörð
- Auglýsing -
Sandra Erlingsdóttir landsliðskona í handknattleik og leikmaður þýska 1. deildarliðsins TuS Metzingen yfirgefur félagið að lokinni leiktíðinni í vor. Frá þessu segir í tilkynningu félagsins í dag sem er að finna neðst í þessari frétt.
Ekki kemur fram hvað tekur við hjá Söndru en hún hefur að undanförnum verið orðuð við Íslandsmeistara Vals og einnig uppeldisfélag sitt, ÍBV, ásamt sambýlismanni sínum Daníel Þór Ingasyni leikmanni Balingen-Weilstetten.
Sandra þekkir vel til bæði hjá ÍBV og Val en með síðarnefnda liðinu lék Sandra áður en hún tók sig upp og flutti til Danmerkur.
Sandra lék með EH Aalborg frá 2020 til 2022 en flutti síðan til TuS Metzingen í suðurhluta Þýskalands.
