- Auglýsing -
Elias Ellefsen á Skipagøtu, stærsta stjarna karlalandsliðs Færeyja, gat ekki tekið neinn þátt í tveimur æfingaleikjum gegn Ítalíu í undirbúningi Færeyinga fyrir Evrópumótið vegna meiðsla sem hann glímir enn við.
Elias, sem er 23 ára leikstjórnandi þýska stórliðsins Kiel, meiddist á öxl í leik með liðinu í þýsku 1. deildinni fyrir jól og hefur ekki enn tekist að jafna sig á meiðslunum.
Óvissa ríkir því um hvort hann geti tekið þátt í fyrsta leik Færeyja á Evrópumótinu, gegn Sviss í D-riðli í Bærum í Noregi.
Færeyingar eru því með böggum hildar yfir stöðunni. Vonir standa þó til þess að Elias geti tekið þátt á mótinu.
- Auglýsing -
