Fram gerði afar góða ferð norður á Akureyri og vann þar KA/Þór, 21:20, í síðasta leik 14. umferðar Olísdeildar kvenna í KA heimilinu í dag.
Fram er í fimmta sæti með 15 stig eins og Haukar sæti ofar og KA/Þór er í sjötta sæti með 11 stig.
Hart var barist allan tímann og mjótt á munum þar sem varnir og markverðir beggja liða stóðu vaktina með mikilli prýði.
Fram var einu marki yfir, 10:9, í hálfleik og voru gestirnir tveimur mörkum yfir, 21:19, þegar skammt var eftir.
KA/Þór minnkaði muninn í eitt mark en komst ekki nær og Fram vann með minnsta mun.
Bernadett Leiner í marki KA/Þórs varði tíu skot og var með 38,5% hlutfallsmarkvörslu. Arna Sif Jónsdóttir í marki Fram varði átta skot og var með 40% hlutfallsmarkvörslu.
Mörk KA/Þórs: Trude Blestrud Hakonsen 7, Susanne Denise Pettersen 3, Tinna Valgerður Gísladóttir 3/1, Anna Þyrí Halldórsdóttir 3, Lydía Gunnþórsdóttir 2/1, Sólveig Lára Kristjánsdóttir 1, Unnur Ómarsdóttir 1.
Varin skot: Bernadett Leiner 10/2, Selma Sigurðardóttir 0.
Mörk Fram: Hulda Dagsdóttir 6/5, Katrín Anna Ásmundsdóttir 4, Ásdís Guðmundsdóttir 3, Harpa María Friðgeirsdóttir 3, Dagmar Guðrún Pálsdóttir 2, Alfa Brá Oddsdóttir Hagalín 2, Sunna Jónsdóttir 1.
Varin skot: Arna Sif Jónsdóttir 8, Ethel Gyða Bjarnasen 4.
Staðan og næstu leikir í Olísdeildum.
