Handknattleiksþjálfarinn og handknattleiksmaðurinn fyrrverandi, Finnur Hansson, hefur verið ráðinn þjálfari hjá færeyska úrvalsdeildarliðinu Team Klaksvik. Frá þessu er m.a. sagt á vef FM1. Mikill hugur er Klaksvíkingum en þeir hafa m.a. skráð lið sitt til leiks í Evrópukeppni félagsliða í haust.
Finnur þekkir vel til í Klaksvík. Hann hefur áður leikið og síðar þjálfað með liði félagsins auk þess að hafa búið í Færeyjum um langt árabil og leikið með nokkrum liðum við afar góðan orðstír.
Einnig hefur Finnur komið nærri þjálfun færeysku landsliðanna á síðustu árum.
Aðstæður til æfinga og keppni í Klaksvík er einar þær bestu í Færeyjum. Stórkostlegar framfarir í handknattleik á Eyjunum á síðustu árum samhliðar stórstígum framförum landsliðanna, jafnt karla sem kvenna, hefur aukið til muna áhuga fyrir handknattleik hjá yngri jafnt sem eldri.
Auk Finns hjá Klakksvík er Jakob Lárusson þjálfari karlaliðs Kyndils í Þórshöfn og Kristinn Guðmundsson þjálfar kvennalið EB á Eiði auk þess að þjálfa í yngri flokkum.
