Fjölnismenn tylltu sér á topp Grill 66-deildar karla í handknattleik karla í kvöld með stórsigri ÍR, 37:27, á heimavelli ÍR-inga í Skógarseli í upphafsleik 4. umferðar deildarinnar.
Fjölnismenn hafa sjö stig eftir fjóra leiki en ÍR-ingar eru stigi á eftir og hafa þar með tapað sínum fyrsta leik í deildinni. Þór er einnig taplaus eins og Fjölnir í þriðja sæti og á leik til góða á Fjölni og ÍR. Þór á leik við HK U á morgun.
Staðan var 16:13 fyrir Fjölni eftir fyrri hálfleik í kvöld. Stuðningsmenn ÍR vonuðust eftir að liðið næði áhlaupi í upphafi síðari hálfleiks og jafnaði metin. Sú varð ekki raunin. Fjölnismenn byrjuðu fjörlegar og skoruðu þrjú fyrstu mörk síðari hálfleiks og náðu sex marka forskoti, 19:13. Þeir hleyptu ÍR-ingum aldrei upp á dekk og um miðjan síðari hálfleik var forskot Fjölnis orðið sjö mörk, 26:19.
Heldur breikkaði bilið það sem eftir var leiksins og sannfærandi og góður sigur Fjölnis staðreynd.
Ekki stóð steinn yfir steini í varnarleik ÍR að þessu sinni. Þar af leiðandi var markvarslan ekki eins og best verður á kosið.
Fjölnismenn gerðu vel að leika af krafti frá upphafi til enda.
Mörk ÍR: Róbert Snær Örvarsson 10, Hrannar Ingi Jóhannsson 5, Nathan Doku Asare 3, Egill Skorri Vigfússon 2, Sveinn Brynjar Agnarsson 2, Bergþór Róbertsson 2, Baldur Fritz Bjarnason 2, Hjálmtýr Daníel Björnsson 1.
Varin skot: Rökkvi Pacheco Steinunnarson 6, Gísli Hrafn Valsson 1.
Mörk Fjölnis: Alex Máni Oddnýjarson 7, Björgvin Páll Rúnarsson 7, Viktor Berg Grétarsson 7, Dagur Logi Sigurðsson 5, Elvar Þór Ólafsson 4, Óðinn Freyr Heiðmarsson 3, Bergur Bjartmarsson 1, Tómas Bragi Starrason 1, Sigurður Örn Þorsteinsson 1, Óli Fannar Pedersen 1.
Varin skot: Bergur Bjartmarsson 12.
Staðan og næstu leikir í Grill 66-deild karla.
