Frá Eyjum í Hafnarfjörð

Handknattleikskonan úr ÍBV, Aníta Björk Valgeirsdóttir, hefur skrifað undir samning við handknattleiksdeild FH og mun leika með liðinu í Grill66 -deildinni næsta vetur samkvæmt því sem fram kemur í tilkynningu frá FH eldsnemma í morgun.

Aníta Björk, sem hefur verið viðloðandi yngri landslið Íslands, er fædd árið 2002 og hefur leikið með ÍBV undanfarin ár. Hún leikur í stöðum leikstjórnanda og skyttu og hefur töluverða reynslu úr Olísdeildinni sem og Evrópukeppni þrátt fyrir ungan aldur.

Á síðustu leiktíð skoraði Aníta Björk 19 leiki með U-liði ÍBV í Grill66-deildinni og skoraði 83 mörk. Einnig tók hún þátt í 12 leikjum ÍBV í Olísdeildinni og öllum átta leikjum liðsins í Evrópubikarkeppninni.