Harðarmenn frá Ísafirði halda sig í humátt á eftir ÍR og Fjölni í toppbaráttu Grill 66-deildar karla. Þeir unnu ungmennalið Hauka í dag með 15 marka mun, 40:25, á Ásvöllum í Hafnarfirði í síðasta leik 17. og næst síðustu umferðar deildarinnar.
Hörður hefur þar með unnið sér inn 22 stig í 17 leikjum. Liðið er tveimur stigum á eftir ÍR sem er efst þeirra liða sem eiga möguleika á að komast upp í Olísdeildina. Fjölnir er á milli með sín 23 stig.
Harðarmenn voru með undirtökin og rúmlega það í leiknum á Ásvöllum. Þeir fóru til búningsherbergja að loknum fyrri hálfleik með sjö marka forskot, 19:12.
Eins og í undanförnum leikjum var þýski markvörðurinn Jonas Maier í ham í marki Harðar. Hann varði 19 skot að þessu sinni þótt hann stæði ekki vaktina allan leikinn. Stefán Freyr Jónsson fékk að spreyta sig á lokakaflanum þegar fullkomlega var orðið ljóst hvort liðið færi með sigur úr býtum.
Staðan í Grill 66-deildum.
Leikir síðustu umferðar Grill 66-deildar karla verða háðir á fimmtudaginn 28. mars: Víkingur U - Þór. Fram U - Valur U. ÍR - Haukar U. Fjölnir KA U. Hörður - HK U. Allir leikirnir hefjast klukkan 15 nema viðureign Harðar og HK U. Hann hefst klukkan 18.
Mörk Hauka U.: Bóas Karlsson 6, Sigurður Snær Sigurjónsson 5, Birkir Snær Steinsson 4, Daníel Máni Sigurgeirsson 3, Páll Þór Kolbeins 2, Sigurður Bjarmi Árnason 2, Freyr Aronsson 1, Jón Brynjar Kjartansson 1, Viktor Elí Hreiðarsson 1.
Varin skot: Finnbogi Árnason 7, Ari Dignus Maríuson 5.
Mörk Harðar: Otto Karl Kont 7, Daníel Wale Adeleye 6, Jose Esteves Neto 5, Endijs Kusners 4, Guilherme Carmignoli Andrade 4, Guðmundur Brynjar Björgvinsson 3, Jhonatan C. Santos 3, Tugberk Catkin 3, Gunnar Ingi Hákonarson 2, Óli Björn Vilhjálmsson 2, Sudario Eidur Carneiro 1.
Varin skot: Jonas Maier 19, Stefán Freyr Jónsson 3.
