Grótta varð í kvöld þriðja liðið til þess að tryggja sér sæti í átta liða úrslitum Poweradebikarkeppni kvenna í handknattleik. Grótta hafði mikla yfirburði í viðureign sinn við Fjölni í Fjölnishöllinni. Lokatölur 30:15 eftir að níu mörkum munaði á liðunum að loknum fyrri hálfleik, 15:6.
Því miður fyrir Fjölnisliðið þá var á brattann að sækja fyrir liðið frá upphafi til enda gegn sterku liði Gróttu. Munurinn kom fljótt í ljós og jókst hann frekar en hitt þegar á leið.
Fyrr í kvöld komust Stjarnan og HK áfram í átta liða úrslit. Annað kvöld fara fjórir leikir fram í í Poweradebikarkeppninni í kvennaflokki.
Amelía Laufey skaut HK áfram – fyrsti sigur Stjörnunnar
Mörk Fjölnis: Sara Björg Davíðsdóttir 6, Díana Sif Gunnlaugsdóttir 3, Sara Kristín Pedersen 2, Telma Sól Bogadóttir 2, Elsa Karen Sæmundsen 1, Sólveig Ása Brynjarsdóttir 1.
Varin skot: Þyrí Erla Sigurðardóttir 8, Oddný Björg Stefánsdóttir 6.
Mörk Gróttu: Katrín Anna Ásmundsdóttir 8, Ólöf María Stefánsdóttir 4, Katrín Helga Sigurbergsdóttir 3, Katrín S. Thorsteinsson 3, Lilja Hrund Stefánsdóttir 3, Ída Margrét Stefánsdóttir 2, Rut Bernódusdóttir 2, Karlotta Óskarsdóttir 2, Arndís Áslaug Grímsdóttir 1, Guðlaug Embla Hjartardóttir 1, Hrafnhildur Hekla Grímsdóttir 1.
Varin skot: Soffía Steingrímsdóttir 9.
