„Brynjar hefur komið einna mest á óvart hjá Þórsurum og þá sem sóknarmaður. Hann hefur oft dregið vagninn fyrir þá sóknarlega. Fyrir nokkrum árum lék Brynjar með Stjörnunni og spilaði varla sókn,“ segir Ásbjörn Friðriksson sérfræðingur Handboltahallarinnar um frammistöðu Brynjars Hólm Grétarsson og Þórsara í umræðum í síðasta þætti Handboltahallarinnar.
„Hann fór varla fram yfir miðju þá,“ bætti Rakel Dögg Bragadóttir annar sérfræðingur Handboltahallarinnar um Brynjar Hólm og veru hans hjá Stjörnunni frá 2020 til 2023.
Oddur leikur á miðjunni
Ásbjörn minnti ennfremur á vaska framgöngu Odds Gretarssonar með Þór, ekki síst í leiknum við Selfoss í síðustu viku. „Hann lék á miðjunni eiginlega allan leikinn. Oddur er hornamaður. Sá á að vera bakkupp fyrir Odd og hélt að hann fengi ekkert að spila á tímabilinu fékk 60 mínútur í þessum leik,“ sagði Ásbjörn léttur í bragði.
Myndskeið með umfjöllun um Þórsarar er að finna hér fyrir ofan.
Olísdeildir – staðan og næstu leikir.
