Ásbjörn Friðriksson og Einar Ingi Hrafnsson, sérfræðingar Handboltahallarinnar á Handboltapassanum, hrósuðu Ásdísi Höllu Hjarðar í hástert fyrir frábæra frammistöðu hennar í liði ÍBV þegar Eyjakonur unnu ÍR í 13. umferð Olísdeildarinnar.
„Dugnaðurinn í henni, þarna eyðileggur hún hraðaupphlaup með því að hlaupa til baka. Línumaðurinn er fyrstur heim. Það er ekki sjálfsagt. Hún var að spila vel.
Handboltahöllin: Orð eru óþörf um leikmann umferðarinnar
Sóknarlega er farin að koma ein og ein blokkering á réttum augnablikum fyrir skytturnar. Mér finnst hún vera að fá fleiri bolta heldur en í byrjun tímabils. Þetta eru nú ekki margir boltar kannski,“ sagði Ásbjörn.
Níu löglegar stöðvanir og fimm stolnir boltar
„Hún er svona nýtt púsl sem er að koma inn. Við vissum alveg að Sandra væri geggjuð og Birna Berg er með sín gæði. Við töluðum um þetta í upphafi að það vantaði einhverja leikmenn inn í ÍBV-liðið sem þurfa að taka til sín og gefa.
Það er hún svo sannarlega búin að gera. Tölfræðin hennar varnarlega er náttúrlega galin. Ég held að hún sé með níu löglegar stöðvanir og fimm stolna,“ sagði Einar Ingi Hrafnsson.
Umræðu um Ásdísi Höllu og aðra leikmenn ÍBV sem hafa stigið upp, þeirra á meðal Birnu Maríu Unnarsdóttur og Britney Cots, má sjá í myndskeiðinu hér fyrir ofan.
