Í síðasta þætti Handkastsins var farið yfir sterkan riðil Íslands á EM karla sem framundan er þar sem Ísland mætir Serbum, Ungverjum og Svartfellingum. Í millriðli gætu Íslendingar síðan mætt þjóðum á borð við Króatíu, Frakkland, Þýskaland og Spáni.
„Í staðinn fyrir að búa til einhverjar grýlur um erfiðan riðil, ef við ætlum okkur að gera einhverja hluti, þá verðum við að fara í gegnum þessar þjóðir á einum eða öðrum tímapunkti,“ sagði Teddi Ponza í þættinum.
Stefán Árni Pálsson fréttamaður á Stöð2 og Vísi var gestur Handkastsins. Hann sagðist orðinn þreyttur á þessu tali um endalausar grýlur.
„Varðandi þetta grýlutal. Svíagrýlan, það var grýla. Þeir voru
fáránlega góðir. En að tala um einhverja Ungverjagrýlu, þá ertu bara pínu lítill aumingi. Við eigum bara að vinna Ungverja. Ungverjagrýlan á ekki að vera til,“ sagði Stefán Árni Pálsson í Handkastinu en nýjast þáttinn er að finna hér fyrir neðan.
Leikir Íslands í C-riðli EM í München:
12.jan.: Ísland – Serbía, kl. 17.
14.jan.: Ísland – Svartfj. land, kl. 17.
16.jan.: Ísland – Ungv.land, kl. 19.30.
