Haukar unnu í dag Hafnarfjarðarmótið í handknattleik karla. Sigur liðsins á mótinu var innsiglaður með því að leggja FH-inga, 31:28, í síðasta leik mótsins sem fram fór á Ásvöllum eins og aðrar viðureignir á mótinu að þessu sinni.
Sigur Haukaliðsins var sannfærandi. Það var nánast með yfirhöndina frá upphafi til enda. Eftir að Haukar náðu þriggja til fjögurra marka forskoti upp úr miðjum síðari hálfleik var FH-liðið ekki líklegt til þess að jafna metin.
Haukar unnu allar viðureignir sínar þrjár á mótinu. Stjarnan, sem lagði ÍBV, 34:27, í fyrri leik dagsins í dag, tókst að hafa betur í tveimur leikjum á mótinu. FH vann einn leik en ÍBV engan.
Hergeir bestur
Hergeir Grímsson var valinn besti leikmaður Hafnarfjarðarmótsins. Hergeir gekk til liðs við Hauka í sumar eftir tveggja ára veru hjá Stjörnunni.
Haukar – FH 31:28 (16:14).
Mörk Hauka: Hergeir Grímsson 6, Birkir Snær Steinsson 5, Andri Fannar Elísson 4, Þráinn Orri Jónsson 4, Össur Haraldsson 4, Adam Haukur Baumruk 2, Egill Jónsson 2, Jakob Aronsson 2, Sigurður Snær Sigurjónsson 1, Skarphéðinn Ívar Einarsson 1.
Varin skot: Vilius Rasimas 13, Aron Rafn Eðvarðsson 5, Magnús Gunnar Karlsson 4.
Mörk FH: Jón Bjarni Ólafsson 6, Ásbjörn Friðriksson 5, Jóhannes Berg Andrason 4, Símon Michael Guðjónsson 4, Aron Pálmarsson 2, Einar Örn Sindrason 2, Garðar Ingi Sindrason 2, Jakob Martin Ásgeirsson 2, Þórir Ingi Þorsteinsson 1.
Varin skot: Birkir Fannar Bragason 3, Daníel Freyr Andrésson 2.
Stjarnan – ÍBV 34:27 (16:16).
Mörk Stjörnunnar: Hjálmtýr Alfreðsson 6, Jóel Bernburg 6, Hans Jörgen Ólafsson 5, Tandri Már Konráðsson 5, Benedikt Marinó Herdísarson 4, Jón Ásgeir Eyjólfsson 3, Jóhannes Bjorgvin 2, Sveinn Andri Sveinsson 2, Matthías Dagur Þorsteinsson 1.
Varin skot: Daði Bergmann Gunnarsson 5, Sigurður Dan Óskarsson 1.
Mörk ÍBV: Kári Kristján Kristjánsson 6, Marino Gabrieri 5, Sigtryggur Daði Rúnarsson 4, Andrés Marel Sigurðsson 3, Esteves Daniel Vieira 3, Dagur Arnarsson 3, Sveinn José Rivera 1, Gabríel Martinez Róbertsson 1, Adam Smári Sigfússon 1.
Varin skot: Petar Jokanovic 5 – Pavel Miskevich varði nokkur skot þótt þau hafi verið skráð.
