Haukar sitja einir í efsta sæti Olísdeildar karla eftir að þrjár fyrstu viðureignir 13. umferðar fóru fram í kvöld. Eftir að hafa lent í kröppum dansi gegn KA þá voru Haukar sterkari síðustu 10 – 15 mínúturnar á Ásvöllum í kvöld og unnu með fjögurra marka mun í 80 marka leik, 42:38.
KA var tveimur mörkum yfir í hálfleik, 19:17. Norðanpiltar voru með frumkvæðið framan af í síðari hálfleik en tókst ekki að fylgja Haukum eftir þegar á leið og heimamenn náðu að keyra upp hraðann, allt hvað af tók.
Afturelding vann HK, 41:33, í Myntkaup-höllinni að Varmá og tyllti sér í annað sæti deildarinnar með 19 stig. Valur á leik inni með sína 18 stig.
HK var síst lakara liðið að Varmá í kvöld en missti tökin í síðari hálfleik, líkt og gegn Haukum á dögunum.
Selfoss vann ÍR í botnslag deildarinnar, 35:34, í Sethöllinni á Selfossi. Hannes Höskuldsson var hetja heimaliðsins. Hann skoraði sigurmarkið rétt í þann mund sem leiktíminn var úti.
Tölfræði leiksins hjá HBStatz.
Haukar – KA 42:38 (17:19)
Mörk Hauka: Andri Fannar Elíssonm 10/7, Freyr Aronsson 8, Adam Haukur Baumruk 6, Össur Haraldsson 6, Ólafur Ægir Ólafsson 5, Hergeir Grímsson 4, Birkir Snær Steinsson 1, Jón Ómar Gíslason 1, Þráinn Orri Jónsson 1.
Varin skot: Aron Rafn Eðvarðsson 6/1, 17,6% – Magnús Gunnar Karlsson 1, 9,1%.
Mörk KA: Morten Linder 10/3, Jens Bragi Bergþórsson 8, Giorgi Arvelodi Dikhaminjia 5, Magnús Dagur Jónatansson 5, Logi Gautason 4, Bjarni Ófeigur Valdimarsson 3, Arnór Ísak Haddsson 1, Bruno Bernat 1, Daði Jónsson 1.
Varin skot: Bruno Bernat 8/2, 16,7% – Guðmundur Helgi Imsland 0.
Selfoss – ÍR 35:34 (17:18)
ÍR-ingar, sem unnu sinn fyrsta leik í deildinni sl laugardag, sóttu Selfyssinga heim í upphafsleik 13. umferðar í Set-höllinni. Fyrri hálfleikur var meira og minna í járnum. Selfyssingar voru tveimur mörkum yfir um miðjan fyrri hálfleik, 11:9. ÍR náði yfirhöndinni á 18. mínútunni en Selfoss náði fljótt tökum á leiknum og áfram hélt baráttan, þar til í blálok fyrri hálfleiks að ÍR náði að skora 18. markið og ná forystu með marki Bernards Kristjáns.
Áfram var brakandi spenna í síðari hálfleik. Baldur Fritz Bjarnason jafnaði metin fyrir Selfoss þegar um hálf mínúta var eftir.
Hetja Selfoss var Hannes Höskuldsson sem skoraði sigurmarkið þremur sekúndur fyrir leikslok, 35:34. Selfoss hefur þar með níu stig eftir 13 leiki, er fjórum stigum fyrir ofan ÍR sem er neðst sem fyrr. Þór er hinsvegar kominn í fallsæti með sjö stig, tveimur á eftir Selfossi og tveimur stigum ofar en ÍR. Þór mætir Fram í Höllinni á Akureyri á laugardaginn.
Mörk Selfoss: Hannes Höskuldsson 10, Anton Breki Hjaltason 8, Jason Dagur Þórisson 6, Haukur Páll Hallgrímsson 3, Tryggvi Sigurberg Traustason 3, Sölvi Svavarsson 2, Valdimar Örn Ingvarsson 2, Elvar Elí Hallgrímsson 1
Varin skot: Alexander Hrafnkelsson 7, 21,2%, Philipp Seidemann 1, 11,1%
Mörk ÍR: Bernard Kristján Owusu Darkoh 11, Baldur Fritz Bjarnason 9, Jökull Blöndal Björnsson 8, Sveinn Brynjar Agnarsson 3, Eyþór Ari Waage 2, Bjarki Steinn Þórisson 1.
Varin skot: Ólafur Rafn Gíslason 3, 11,1 %, Alexander Ásgrímsson 3, 21,4%
Tölfræði leiksins hjá HBStatz.
Staðan og næstu leikir í Olísdeildum.
Afturelding – HK 41:33 (18:17)
HK mætti ferskt til leiks í Mynthöllina í Mosfellsbæ og leiddi fyrri hluta fyrri hálfleiks með 2-3 mörkum, staðan var 8:11 fyrir HK eftir 15 mínútna leik. Aftureldingu tókst að jafna á 18. mínútu í 11:11, en héldu áfram að elta HK. Á 25. mínútu náði Afturelding forystu og hélt henni til loka fyrri hálfleiks, 18:17 var staðan í hálfleik. Í seinni hálfleik
Mörk Aftureldingar: Oscar Sven Leithoff Lykke 10, Ihor Kopyshynskyi 7, Harri Halldórsson 6, Kristján Ottó Hjálmsson 5, Ævar Smári Gunnarsson 4, Leó Halldórsson 3, Árni Bragi Eyjólfsson 1, Þorvaldur Tryggvason 1, Sveinur Olafsson 1, Andri Freyr Friðriksson 1, Ágúst Ingi Óskarsson 1, Daníel Bæring Grétarsson 1.
Varin skot: Sigurjón Bragi Atlason 12, 38,7%, Einar Baldvin Baldvinsson 4 , 22,2 %,
Mörk HK: Sigurður Jefferson Guarino 8, Jóhann Birgir Ingvarsson 8, Andri Þór Helgason 4, Haukur Ingi Hauksson 3, Gunnar Dan Hlynsson 3, Ágúst Guðmundsson 3, Leó Snær Pétursson 3, Hjörtur Ingi Halldórsson 1.
Varin skot: Brynjar Vignir Sigurjónsson 10, 26,3%, Róbert Örn Karlsson 1, 8,3%.
Tölfræði leiksins hjá HBStatz.
Staðan og næstu leikir í Olísdeildum.
