- Auglýsing -
Haukur Ingi Hauksson hefur skrifað undir nýjan tveggja ára samning við HK. Haukur Ingi lék upp yngri flokka HK og hefur verið í vaxandi hlutverki í meistaraflokksliði HK sem leikur í Olísdeildinni. Haukur Ingi er einn af lykilleikmönnum liðsins en hann spilar á miðjunni og í skyttu. Hann átti sæti í U19 ára landsliðinu sem tók þátt í heimsmeistaramótinu í Króatíu í ágúst á síðasta ári.
„Það er frábært að Haukur Ingi semji áfram við okkur, hann hefur átt mjög góðar innkomur í vetur og við berum áfram miklar væntingar til hans. Hann á eftir að vera lykilleikmaður í meistaraflokki HK næstu árin,“ segir Brynjar Valsteinsson sem sæti á í stjórn handknattleiksdeildar HK í tilkynningu deildarinnar.
Tengt efni:
- Auglýsing -
