„Það hefði kannski verið sanngjarnt að fá annað stigið,“ sagði Sigurjón Friðbjörn Björnsson þjálfari kvennaliðs Gróttu sem sá á eftir öðru stiginu í viðureign liðsins við ÍBV í fyrstu umferð Olísdeildar kvenna í Hertzhöllinni á Seltjarnarnesi í dag.
Viðureignin sem var sú fyrsta hjá kvennaliði Gróttu í Olísdeildinni í sex ár tapaðist með tveggja marka mun, 23:21, eftir æsispennandi lokamínútur.
„Það kom smá kafli í síðari hálfleik þar sem við misstum ÍBV fimm mörkum framúr okkur, en engu að síður tókst okkur að vera með hörkuleik í lokin,“ sagði Sigurjón sem velti vöngum yfir sigurmarki Sunnu Jónsdóttur fyrir Eyjaliðið.
„Það var skrefalykt af markinu. Án þess marks hefðum við átt möguleika á að jafna metin á síðustu mínútu. Hvað sem því líður þá var drullugott hjá okkur að koma til baka eftir að hafa lent fimm mörkum undir og gera úr þessu leik,“ sagði Sigurjón ennfremur.
Sigurjón hrósaði liði sínu sem blæs á allar hrakspár um fall úr Olísdeildinni.
Lengra myndskeiðsviðtal er við Sigurjón efst í þessari frétt.
Marta sá til þess að stigin tvö fóru til Eyja
Staðan og næstu leikir í Olísdeildum.
