Stjarnan hefur endurheimt vinstri hornamanninn Hjálmtýr Alfreðsson eftir árs fjarveru. Einnig hefur Færeyingurinn Jóhannes Björgvin gengið til liðs við Garðabæjarliðið.
Jóhannes, sem er 24 ára gamall vinstri hornamaður, hefur tvö síðustu ár leikið með VÍF í Vestmanna og gert það gott. Áður en Jóhannes fór til Vestmanna var hann liðsmaður Neistans í Þórshöfn.
Hjálmtýr er þrautreyndur leikmaður Stjörnunnar. Hann bjó í Portúgal á síðasta vetri og lék lítið handknattleik. Hjálmtýr er mættur galvaskur á ný með samherjum sínum og var m.a. með þeim á Hafnarfjarðarmótinu á dögunum. Færeyingurinn Jóhannes Björgvin kom einnig við sögu á mótinu.
Stjarnan leikur við HK í Hekluhöllinni í Garðabæ í upphafsumferð Olísdeildar karla á fimmtudagskvöld klukkan 19.30.
Karlar – helstu félagaskipti 2024
