Fjórða flokks lið HK var fjórða íslenska liðið sem vann til verðlauna á Norden Cup í dag en mótið er óopinbert Norðurlandamót yngri félagsliða á Norðurlöndunum. HK lagði sænska liðið Åhus Handboll, 28:15, í bronsleiknum í dag.
Varnarleikur og markvarsla HK-liðsins small saman sem skilaði hraðaupphlaupsmörkum auk þess með uppstilltum sóknarleik spiluðu stelpurnar virkilega vel sem skilaði mörkum úr öllum stöðum. Hálfleikstölur voru, 13:8, og lokatölur, 28:15 sem skilaði liðinu 3. sæti á þessu sterka móti.
HK vann fimm af sex viðureignum sínum á mótinu. Eina tapið var í undanúrslitum fyrir Bryne frá Noregi, 20:17, sem stóð síðan uppi sem sigurvegari í flokknum.
2011-árgangurinn hjá HK er einn af mörgum sterkum árgöngum í yngri flokkum sem nú eru hjá félaginu. Þess má geta að þetta var þriðja árið í röð sem kvennalið á vegum HK fer á Norden Cup.
Íslensku liðin raka til sín gullinu – Selfoss vann Norden Cup
KA-drengirnir unnu einnig gullverðlaun
KA/Þór vann gullverðlaun á Norden Cup
