- Auglýsing -
- Austurríska landsliðið varð fyrir blóðtöku í gær þegar Boris Zovkovic meiddist illa á annarri öxlinni eftir að Youssef Altaieb Ali leikmaður landsliðs Katar hrinti honum harkalega í viðureign landsliðanna á HM. Zovkovic lenti harkalega á annarri öxlinni. Ales Pajovic landsliðsþjálfari Austurríkis segist búa sig undir það versta og vona það besta.
- Austurríska landsliðið er öruggt um sæti í milliriðlakeppninni eftir sigur á Katar og Kúveit í tveimur fyrstu umferðum C-riðils. Austurríki mætir Frakklandi á morgun sem er einnig með tvo sigra. Kúveit og Katar berjast um síðasta lausa sætið í milliriðli.
- Ítalir eru í sjöunda himni eftir að hafa náð inn í milliriðla á HM í fyrsta skipti en Ítalía er með lið á HM í annað sinni í sögunni í fyrsta skipti frá árinu 1997. Ítalska landsliðið lagði Túnis í fyrstu umferð og Alsír í annarri umferð í gær. Í lokaumferð B-riðils leikur ítalska landsliðið við heimsmeistara Danmerkur.
- Hlynur Leifsson var annar eftirlitsmanna á leik Ítala og Alsír í gær. Hann verður eftirlitsmaður á viðureign Pólverja og Tékka í Jyske Bank Boxen í kvöld í A-riðli. Það verður fjórði leikur Hlyns á jafnmörgum dögum.
- Rasmus Lauge hefur verið tekinn út úr danska landsliðshópnum í handknattleik sem tekur þátt í HM. Lauge meiddist í fyrsta leik Dana á HM gegn Alsír. Hugsanlega kemur hann inn í hópinn á nýjan leik ef ástand hans batnar þegar líður á mótið. Emil Bergholt leikmaður Skjern tekur sæti í danska landsliðinu í staðinn. Hann er nýliði á stórmóti.
- Ennþá ríkir óvissa um framhald þátttöku Thomas Arnoldsen sem einnig varð fyrir meiðslum í viðureign Dana og Alsírbúa á þriðjudaginn. Nikolaj Jacobsen landsliðþjálfari Dana er bærilega bjartsýnn um að Arnoldsen verði fljótlega með á ný.
- Auglýsing -
